一個月了，過左一個月的新學期，也是過左一個月的教會實習生活。

今次的實習需要有很大的適應呢！我認為首先係車程，起初以為要預成兩粒鐘才可返到教會，但經彼得的指點後，在無交通阻滯之下可以一粒鐘返到教會，感謝天父呀！第二係服侍的對象，今次主要落兒童事工，有星期六的小學生團契(不過當中有一大半人係中學生，因為升唔到團的問題law)，同埋星期日的兒童崇拜。有幸母會曾有接觸過小學生一年咁多的時間，可是幼兒(我稱為K仔)真係令我R頭。不過，殺到埋身又不想求求其其的我，應該話"賴"係有預備，就去圖書館借左兒童心理學和兒童事工的書睇下，又問下d兒童大使，例如兒童教會主教啦！過幾招比我。十一個月就要去帶K仔活動，之後會去帶合班的唱詩時間。
因為想知道佢地係咩家科，又想睇下老師點帶，所以前幾個星期開始去幼兒主日學睇下．．．班K仔真係可愛到爆@.@ 話說有個仔仔入到黎就勁喊，死捉住呀媽唔放，之後有位老師捉住佢，就同佢講「我同你一樣都好鍾意亞媽架，不過你大個要返學家ma」．．．仔仔就一邊喊(但冇眼淚)一邊坐係度，點知過左一陣佢就冇喊，仲同埋我地一齊畫公仔，真可愛呀！仔仔成個公仔咁架hehe，其他仔仔女女都超得意。佢地返黎唱唱歌，老師講一兩句聖經故事，畫下畫，食下野就88 la，嘩！班老師真係有心，茶點時間完全顯出愛心的時間，居然有壽司law。一早起身整壽司比班仔仔女女食，真係感動到爆燈！不過，近來都反思，兒童事工是要活潑不可死氣沉沉(其實個個事工都要有這氣氛啦！)但我想的係如果讓仔仔女女返黎開開心心，也可領受到主的話啦，點搞?！有同學「冇架！小朋友係一張白紙，你直接了當同佢講耶穌愛你，就得架啦！」天父係未呢？快d同我講下啦。

上星期日第一次參與教會的聖餐崇拜。講真！我幾欣賞佢地個崇拜，有美有味，可以將禮儀的美從崇拜的空間透視出黎，又可以從事奉者的態度表現出來。有次，與老師同學傾開禮儀與敬拜讚美，始終因為禮儀走向因循和平淡時，以致出現了敬拜讚美，而依家又有些教會開始著重禮儀，其中因為敬拜讚美走向一種純個人情感的吹噓。最後，我地認為傳統又好，敬拜讚美也好，也只是一個form，只要有一個有味道的崇拜就是一個好的崇拜。講返個聖餐，印象中自上兩年前於聖公會實習看過牧師為兒童施聖餐或祝福，眼前浮現出小孩子到耶穌這裡來的圖畫後，上星期日又再一重現我眼前，會眾上前等候上領受耶穌基督的身體和血，小孩子純真走上前領受牧者的祝福，究竟這是甚麼呢？真是唯獨恩典！講真句上前領餐的會眾有幾多非常清楚信甚麼，有幾多非常知道上帝是誰？有幾多非常明白耶穌基督所做的一切呢？有幾多知道聖靈是甚麼？有幾多體會到聖餐的意義？

希望今年的實習更叫我從學習有體會和反省！